A Xunta sobre a perda do galego entre os máis novos: "Queremos saber por que non falan galego"
Financia un convenio co ILGA para estudar como cambia o uso do galego na mocidade.
Por Europa Press / Redacción | SANTIAGO DE COMPOSTELA | 04/04/2019 | Actualizada ás 21:00
"Queremos saber porque os máis novos, que entenden o galego, non o usan". Así defendeu o presidente da Xunta, Alberto Núñez Feijóo a autorización por parte do Consello da Xunta dun convenio coa Universidade de Santiago de Compostela (USC) para continuar coas investigacións do Instituto da Lingua Galega (ILG) entre os anos 2019 e 2020, entre as que se encadra un estudo sobre como cambia o uso do galego entre a xente nova.
Este acordo posibilitará investigar sobre a competencia e o cambio lingüístico en tres liñas: a análise da competencia escrita en lingua galega entre alumnos de 2º de Bacharelato, o contacto da mocidade coa lingua e o mantemento e transmisión do idioma nas familias.
Ademais, o convenio permitirá continuar coa edición e publicación de materiais lexicales recolleitos para elaborar o 'Atlas Lingüístico Galego'. Paralelo a todo iso, con este acordo concluirase a edición da colección documental do mosteiro de Santa María de Oia (Pontevedra) e realizarase unha edición interpretativa e un inventario toponímico das 'Memorias do Arcebispado de Santiago', escritas polo cóengo Jerónimo do Hoyo no ano 1067.
En total, o convenio supón un importe de 412,680 euros, dos cales a Administración autonómica achegará 240.000 euros.
