Por Europa Press / Redacción | SANTIAGO DE COMPOSTELA | 21/04/2019 | Actualizada ás 19:35
Dúas persoas tiveron que ser rescatadas este domingo polos servizos de emerxencia tras ser arrastradas por fórzaa da auga cando manexaban unha piragua preto da praia das Margaridas, na localidade coruñesa de Oleiros.
O 112 Galicia tivo coñecemento do suceso pouco antes das 17,00 horas, cando recibiu unha chamada dun particular que alertaba que o seu fillo saíra de paseo coa noiva en piragua e que non era capaz de ver a ningún dos dous ocupantes da embarcación.
Así, o Centro Integrado de Atención ás Emerxencias (CIAE) alertou a Salvamento Marítimo, que enviou ao lugar ao helicóptero Pesca I. Tamén ata a zona desprazouse unha embarcación de intervención rápida.
Ademais, o CIAE solicitou a colaboración do Servizo de Gardacostas de Galicia, dos servizos sanitarios, da Garda Civil, da Policía Local e dos membros de Protección Civil da localidade.
Afortunadamente, o mozo puido chegar a terra polos seus propios medios e confirmou que, ao verse arrastrados pola corrente, abandonaron a piragua para tentar chegar ata a praia a nado. Pola contra, a moza foi rescatada pola embarcación de Salvamento Marítimo e trasladada ao embarcadoiro de Oza.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.