As reservas de sangue nos centros sanitarios galegos seguen nun nivel baixo
As reservas dos grupos sanguíneos Cero positivo (0+), Cero negativo (0-) e A positivo (A+) seguen en nivel baixo en Galicia.
Por Europa Press / Redacción | SANTIAGO DE COMPOSTELA | 23/05/2019 | Actualizada ás 17:29
As reservas dos grupos sanguíneos Cero positivo (0+), Cero negativo (0-) e A positivo (A+) seguen en nivel baixo en Galicia, mentres que as da negativo (A-) atópanse normais, segundo a información facilitada este xoves pola Axencia de Doazón de Órganos e Sangue (ADOS).
En concreto, ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, este luns, 27 de maio, ADOS desprazará unidades móbiles aos municipios coruñeses de Moeche --diante do Concello--, A Coruña --Rolda de Outeiro diante do antigo ambulatorio e fronte ao centro comercial do Ventorrillo-- e Santa Comba --diante do Centro de Cultura--.
Ademais, o luns haberá unidades móbiles de ADOS nas localidades luguesas de Cospeito --diante do Concello-- e Muimenta --Praza Maior--; así como na cidade de Ourense --Rúa do Paseo, 37--. Tamén ADOS enviará unidades móbiles aos concellos pontevedreses de Cuntis --praza do Consistorio--, Salceda de Caselas --praza do Concello-- e O Porriño --diante do comedor de Biofabri S.L.--.
