Por E.P. | SANTIAGO DE COMPOSTELA | 05/07/2019 | Actualizada ás 18:41
Os grupos con representación no Parlamento de Galicia aprobaron por unanimidade solicitar a Aena que introduza nos pregos de licitación do novo servizo de restauración do aeroporto de Lavacolla as cláusulas necesarias que garantan o mantemento dun servizo de comedor nas condicións vixentes para os traballadores.
O acordo, alcanzado por mor dunha proposición non de lei defendida polo BNG na Comisión de Ordenación Territorial, Obras Públicas, Medio Ambiente e Servizos, inclúe esixir á dirección de Aena en Santiago de Compostela que reciba á representación sindical dos empregados para que lles poidan trasladar as súas preocupacións.
Así mesmo, a iniciativa aprobada, da que informou a Cámara galega, pide apoiar as reivindicacións do Comité de Centros que reclama que se manteñan as condicións do servizo actualmente existente para todos os traballadores. Na comisión segunda que designou a Jacobo Moreira como novo vicepresidente, ademais, os grupos elixiron aos deputados que participarán no relatorio do Proxecto de Lei de Patrimonio Natural de Galicia.
En concreto, serán Gonzalo Trenor (titular) e Martín Fernández Prado (suplente) polo PPdeG; Antón Sánchez (titular) e Marcos Cal (suplente) polo Grupo de En Marea; Patricia Vilán (titular) e María Pierres (suplente) polo PSdeG; e Luís Bará (titular) e Xosé Luís Rivas, Mini, (suplente) polo BNG.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.