Máis riscos de Altri para a saúde de hoxe... e a de mañá. "Non só suporá un perigo a 3 anos vista, senón tamén a 30"

"Fábricas como Ence e Elnosa empregaron durante décadas unha tecnoloxía baseada na produción de celulosa tipo 'kraft', igual á prevista agora por Altri", di a neurocientífica galega Sonia Villapol. "A pesar da súa longa actividade, non existen estudos epidemiolóxicos públicos e independentes que analicen a relación entre a exposición aos contaminantes industriais e a incidencia de enfermidades nas poboacións próximas nin nos seus traballadores".