Entre a tradición e a ética: debe Galicia decidir o seu propio camiño no tratamento dos restos humanos en museos?

A retirada destes vestixios adoita presentarse como unha medida de respecto, pero, sempre é esta a mellor opción que temos para amosar respecto aos nosos antergos? Galicia Confidencial reflexiona sobre o tema con Olalla López-Costas, antropóloga biolóxica e profesora de arqueoloxía na Universidade de Santiago de Compostela (USC).

Os museos retiran os restos humanos das súas exposicións: cales son as implicacións desta decisión?

Galicia Confidencial fala con Edgard Camarós, profesor na Universidade de Santiago de Compostela (USC) e arqueólogo que traballa directamente con restos humanos, que considera que "cun resto humano empatízase de maneira inmediata e é un fío condutor extraordinario nun museo para entender que detrás de calquera outro resto está o ser humano", polo que "non debemos deixar de pensar que a Historia é tan social como biolóxica".