OPINIÓN.- Triste Rosa

Sr. coruñés, os complexos e obsesións son de cada quen, e penso que vostede está obsesionado con Paco Vázquez, e polo que vexo, con La Voz (habitual por aquí).

Non poño en dúbida que Paco Vázque cometeu erros, o que non me impide recoñecer que o motor da recuperación desta cidade, cando estaba abatida trala perda da capitalidade ou da BRILAT que marchou a Pontevedra, foi Paco Vázquez.

Di vostede que todas as cidades crecen e que en todas fíxose o mesmo que aquí ¿Pode dicirme unha cidade de Galicia, unha soa, na que haxa sete bibliotecas municipail, sete, tres museos científicos, tres casas museo, o mesmo número de salas de exposicións? Penso que non pode, así que non me diga que en todas se fixo o mesmo.

Unha cidade que eu admiro como Vigo, na época na que gobernou Paco Vázquez, non se fixo nin de lonxe o que se fixo aquí. De feito, os vigueses sempre se queixan de que nos temos dous pazos de congresos, e eles nin un. Que nos temos un bo número de bibliotecas (ademais das municipais), e en Vigo teñen dous, unha a do ¿Círculo mercantil? e outra a municipal, que é unha. Non houbo un político que tivese o apoio da maior parte da cidadanía, e os políticos, en lugar de adicarse ao desenvolvemento da cidade, estiveron a marear a perdiz, como aquí cando gobernaba o nefasto Domingos Merino, época na que no concello non se fixo nada porque preferían ocupar os plenos con asuntos como se España tiña que integrarse na OTAN ou non.

¿Cantos museos hai en Vigo? A Casa da Palabra (municipal ¿pechada?), o Quiñones de León (municipal), o do Mar (Xunta), o Olimpio Liste (privado) e non se se esquezo algún mais. Penso que ningún deles foi inaugurado na época na que Paco Vázquez gobernou na Cruña. Non coruñés, non. Aquí se fixo moito mais que en Vigo na mesma época. Tamén Paco Vázquez cometeu erros moi graves que o levaron ao Vaticano, pero os méritos son indudables, crearon traballo, deron calidade de vida, e eso a cidadanía o recoñeceu con 21 anos de mandato con maioría absoluta, e non penso que a maioría estivese tan enganada ou manipulada para que vostede so vexa aspectos negativos cando a cidadanía consideraba que a parte positiva superaba dabondo á negativa.

"Ao parecer eu expido carnés de coruñés, pero ¿le vostede o que di? Póñollo: a Cruña é unha cidade “pailana, inculta, soberbia, galegófoba”."
Eu non dixen iso, dixen:"Son coruñés e renego do “curuñesismo” ideoloxía pailana, inculta, soberbia, galegófoba que tivemos e temos que soportar nesta cidade desde o conflito da capitalidade".
Obviamente non me refería á cidade senón ó curuñesismo, e non todos os coruñeses profesan o curuñesismo. Só algúns, non moitos, máis con moito poder e resoancia mediática.

A Pacu debémoslle o Corte Inglés (nomeárono Sir por esta conquista? jejeje), hai que ver que ben o están facendo os de agora, que nos abriron tantos centros comerciais, varios OpenCor e un novo Corte inglés pendente de abrir, tamén a subida ó Ex-Juan Canalejo? (pedazo de investimento, un acceso a un hospital), fala dos aparcadoiros soterrados esquecendo que son privados e propiedade dunha empresa da súa muller, talmente coma o aparcadoiro privado do CHUAC, onde tivemos que pagar facturas a pacu para ir a Urxencias durante moitos anos.
Non deixaron a un veciño facer outro tralo hospital, e puxo un preito cando se abriu o parking privado a carón da súa finca. Como o concello non tiña a razón e tíñanlle que dar licencia a un 2º parquin privado no hospital, que fixo Pacu, o noso benefactor, pois trasladar o depósito da grúa detrás do hospital, non se lembra vostede desa cacicada Clariño?, daba risa, os coches da grúa aparcados nunha leira.
Agora as autoridades abriron a zona e implementaron as prazas de aparcamento, as GRATUITAS, que inda non chegan pero que fan que mirar para o parkin privado sexa unha pena de negocio.
Ese é paco vazquez.
Nos últimos 30 anos todas as cidades españolas melloraron moito, e fixeron bibliotecas, piscinas cubertas, pavillóns polideportivos, grandes avenidas, iluminación, aparcadoiros soterrados, salas de exposicións, museos, centros de interpretación, paseos marítimos, onde non se fixo iso?, Lalín ten todo iso, e ata un museo astronómico con ben máis historia que a casa das ciencias. Calquera que gobernase melloraría á cidade sen dúbida en 20 anos.
Hai que sair un pouco do pueblo señor Clariño.
Se non ata lle tiñamos que agradecer a Pacu a telefonía móbil, internet, os novos pentium corel-duo, os novos motores turbodiésel, os novos fármacos ARA-2 para baixar a tensión, a Viagra.. prosperidade que veu con el como alcalde e pois logo grazas a el.

E mentres tanto unha farola do paseo vale tanto coma todo o alumbrado dunha rúa do barrio, especulación pura no porto e en toda a cidade, as VPO, casas baratas para Mesoiro e poucas a poder ser non lle baixe o precio as dos constructores amigos. Un casco histórico fermosísimo sen reparar, en derrumbe, sen posta en valor, e coma a Rúa de San Andrés en desaparición ou barrio das putas, e os barrios da Coruña, onde vivimos a maioría dos coruñeses deixados da man de dios, con corredoiras, sen parques, sen mobiliario urbano decente, sen cartos, cando non sen aceras. Señor Clariño, deixe de dicir a propaganda da Voz de Galicia, por favor, nos barrios envidiábamos daquela as rúas de Santa Comba ou Carballo cos que tanta similitude ten a coruña da maioría dos coruñeses.
Un saúdo.

Sr. airadasenra, agradezo de novo as súas formas.

1.- Di que é falso ou incerto o que eu sinalo sobre que é toda a cidade salvo o BNG a que quere a cooficialidade.

Verá Vde. hai poucas semanas, La Voz de Galicia fixo unha enquisa que se mantivo nas páxinas rexionais e finalmente pasou á local. Pois ben, admitindo que a maior parte dos votantes eran da Cruña que non sei se será moito supoñer, resulta que os resultados se mantiveron constantes ao longo dos días cos seguintes porcentaxes 60% LA Coruña, 30% A Coruña, 10% Coruña.

Unha mañán lembroo moi ben, algún tramposo adicouse a borrar a cookie que se xera cando un vota, e de hora en hora o número de votos subía un 10%, de tal xeito que chegou un momento no que os que preferían A Coruña superaban aos de La Coruña. Lóxicamente, sacaron a enquisa. Pero eu o invito a que veña a esta cidade, que fale coas súas xentes, as do centro e as dos barrios, e se vou descamiñado, xa mo contará.

2.- O nome galego desta cidade é Cruña. O de A Coruña é un refrito de cando se fixo a autonomía porque di unha lenda urbana que o decidiu Fraga crendo que ningún aceptaría nesta cidade Cruña, cando é o nome que aparece na documentación medieval escrita en galego de xeito constante, documentación na que so aparece a forma Coruña en dous documentos do século XV, dabondo tardíos como para non sospeitar que estaban contaminados pola forma castelán. Xa o dixo o Consello da Cultura Galega o 8 de setembro de 1994:

"Desde o punto de vista filolóxico a forma do topónimo é Cruña, procedente dunha denominación prerromana *CLUNIA".

3.- Pois que se a forma castelán do topónimo é La Coruña, e a Constitución di que hai dúas linguas oficiais en Galicia, non sei que obstáculo pode haber para que os topónimos de ambas linguas sexan cooficiais, ao igual que ocorre no País Vasco ou na comunidade Valenciana.

4.- E eu agradezo o seu xeito de ver as cousas, pero eses problemas non os ven no País Vasco ou na comunidade Valenciana.

5.- Verá vostedes, os coruñeses, entre os que me atopo, síntense profundamente galegos, pero teñen a súa idiosincrasia. O feito de haber sido sempre unha cidade de realengo, deulles unha certa independencia e forxou un carácter que debe ser respetado, entendo eu. Todos somos galegos, e cada cidade, cada vila, cada pobo de Galicia vive a súa galeguidade dun xeito ou doutro.
Ninguén ten dereito a dicir que un é mais galego co outro, todos os que vivimos e loitamos pola prosperidade desta terra somos galegos, porque a galeguidade está perfectamente definida no art. 3.1 do Estatuto de Autonomía de Galicia:

"A los efectos del presente Estatuto, gozan de la condición política de gallegos los ciudadanos españoles que, de acuerdo con las Leyes generales del Estado, tengan vecindad administrativa en cualquiera de los Municipios de Galicia".

E aquí cabemos todos, falando en galego, en castelán, ou en ambas linguas.

Sr. que di ser coruñés:

Ao parecer eu expido carnés de coruñés, pero ¿le vostede o que di? Póñollo: a Cruña é unha cidade "pailana, inculta, soberbia, galegófoba". Tome unha certa distancia home, soséguese, un pouquiño de mesura, que se Paco Vázquez cometeu erros moi graves, que como ben dicía Touriño o levaron ao Vaticano, non é menos certo que a el débelle esta cidade moito, pero moito, e como obras son amores y no buenas razones, tan so ten que saír á rúa para ver as sete bibliotecas, os museos científicos, as salas de exposicións, a iluminación, o paseo marítimo, a subida ao Canalejo (que tanto costara), o Corte Inglés, os centros comerciais, a ampliación da avda. Alfonso Molina, a do Pasaxe, os aparcadoiros soterrados, o parque Europa, o de San Pedro, o da Torre... En fin, prégolle un pouquiño de sosego.

"Coruñés, se é certo que eres coruñés,...".

Non preciso máis para entender a intolerancia deste tal Clariño.. que polo visto expende certificados de curuñesismo e dí quen é ou non coruñés.

Pois sí señor clariño , son coruñés, e quero moito á miña cidade, mais non son un pailán urbano dos que por aquí abundan e non creo que os da miña parroquia son bós e os da parroquia da outra banda do río son malos como pasa con algúns conveciños meus talmente coma vostede.

Son coruñés e galego e non me gustou o goberno de Paco Vázquez, que lle imos facer, tiña maioría absoluta, mais algúns non lle votábamos, ou non votábamos. Son coruñés e renego do "curuñesismo" ideoloxía pailana, inculta, soberbia, galegófoba que tivemos e temos que soportar nesta cidade desde o conflito da capitalidade.
Son coruñés e vostede acúsame de non selo, non é a primeira vez, os curuñeses non aceptan a disidencia, non aceptan a ninguén que lles fale galego e non sexa "uno de la aldea que , pobre, no sabe hablar otra cosa", non aceptan o galego, non aceptan a Galicia se non é para sometela e dirixila,.. faga vostede unha enquisa entre os curuñeses, propóñalles se tivesen a posibilidade de que Coruña fose unha cidade autónoma como Ceuta e Melilla, e se integrase en España dese xeito que tal lles parecería.
Que lles dirían señor Clariño, os seus curuñeses?

E do mesmo xeito que vostede arrenega do nacionalismo porque polo visto non ía a favor da Coruña segundo vostede, eu , coruñés, arrenego do coruñesismo, porque despreza profundamente Galicia.