A Mesa publica a conferencia de Carvalho Calero no encontro fundacional da organización

A Mesa pola Normalización Lingüística publica a conferencia 'Situaçom presente e orientaçom futura dous problemas gerais dá nossa lingua' que Ricardo Carvalho Calero, homenaxeado no Día das Letras Galegas de 2020, ofreceu no encontro fundacional da organización.

Os interesados poderán comprar nas librarías o volume, que ten un prezo de 3 euros e que tamén inclúe as resolucións finais do encontro onde se acordou crear A Mesa.

Ademais, a publicación estará dispoñible o xoves 25 no Festigal e a partir de setembro na web da Mesa pola Normalización Lingüística.