Cantos na Maré, o festival da lusofonía, regresa a Pontevedra coa música de Mayra Andrade e Enredadas
Cantos na Maré aposta por novos contidos como a gastronomía, a narración oral ou a danza, así como por novos espazos que leven as súas actividades por toda a cidade de Pontevedra.
- Galicia e Portugal poñen a andar a Rede da Galilusofonía
- Pontevedra acollerá o festival internacional da lusofonía en outubro con artistas como Chico César e Teresa Salgueiro
Por E.P. | PONTEVEDRA | 27/08/2019 | Actualizada ás 13:37
O festival Cantos na Maré regresa á cidade de Pontevedra os próximos 13, 14 e 15 de setembro para celebrar o seu décimo quinta edición, que acollerá 15 concertos e máis dunha ducia de actividades.
En concreto, as protagonistas dos espectáculos musicais que terán lugar no Pazo da Cultura serán a caboverdiana Mayra Andrade, que actuará o sábado 14, e Enredadas, o proxecto conxunto de Uxía, Martirio, Carmen París e Ugía Pedreira, que pecharán o festival o domingo 15.
Ademais de continuar a súa aposta por explorar a lingua como liña de conexión entre Galicia e a Lusofonía a través da música, Cantos na Maré aposta por novos contidos como a gastronomía, a narración oral ou a danza, así como por novos espazos que leven as súas actividades por toda a cidade de Pontevedra.
