Por Europa Press / Redacción | Santiago de Compostela | 01/09/2019 | Actualizada ás 18:20
Dous voos que tiñan con orixe ou destino Galicia foron cancelados este domingo na primeira do dez xornadas de folga convocadas polos sindicatos USO e Sitcpla para os tripulantes de cabina (TCP) da aerolínea Ryanair contra o peche o próximo xaneiro das bases de Tenerife Sur, Gran Canaria, Lanzarote e Xirona.
A compañía anunciou a cancelación de seis voos este 1 de setembro, que, en concreto e segundo rexistrou nun buscador na súa páxina web, cobren as rutas Barcelona-Milán Bérgamo, Barcelona-Sevilla, Madrid-Santiago de Compostela, Milán Bérgamo-Barcelona, Santiago de Compostela-Madrid e Sevilla-Barcelona. Todos os pasaxeiros destes voos foron informados con anterioridade vía SMS.
Para a folga, convocada para os días 1, 2, 6, 8, 13, 15, 20, 22, 27 e 29 de setembro, Fomento fixou uns servizos mínimos cos que Ryanair está obrigada a garantir o 100% dos voos non peninsulares, o 60% dos peninsulares e internacionais con desprazamento igual ou superior a cinco horas e o 35% dos voos peninsulares con tempo de desprazamento inferior a cinco horas. Desde os sindicatos tacharon estes servizos mínimos de "abusivos" e criticaron que o Goberno "se poña de perfil".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.