Por Galicia Confidencial | Santiago | 11/09/2019 | Actualizada ás 10:00
Santiago terá en breve un novo espazo creativo. Trátase de Espontánea, un laboratorio Escénico e Escola de formación artística ubicado no corazón da zona vella. Da man do actor e pallaso Antón Coucheiro e da actriz e xornalista Gala Martínez-Romero, conta coa colaboradoración doutras profesionais recoñecidas coma Natalia Outeiro “Pajarito”, Alfredo Pérez Muíño ou Mónica Paradela.
“Espontánea é un Espazo creativo, un lugar de encontro entre artistas, creadoras, profesionais e afeccionadas, que ten a intención de crear comunidade artística. É un laboratorio Escénico, unha sala onde Experimentar e fomentar sinerxias e intercambios creativos”, apuntan os seus impulsores.
A inauguración será o próximo venres 27 de setembro cunha proposta de formación en artes escénicas que potencian a escoita e o traballo da expresión da espontaneidade. As clases teñen diferentes niveis, tanto para profesionais do sector que queiran profundar na técnica, como para aquelas que se queiran iniciar e comezarán a semana do 30 de setembro.
A sala contará tamén na súa programación cunha parte dedicada aos cativos con clases de teatro, talleres de radio e próximos monográficos nos que traballaránse diversas temáticas relacionadas cas artes. Un sábado ao mes faránse actuacións de teatro para bebés e teatro familiar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.