Os mariños de Long Hope irán cunha denuncia ao Tribunal de Dereitos Humanos contra Noruega
Entregarán máis de 300.000 firmas en apoio das súas reivindicación.
Por Europa Press / Redacción | SANTIAGO DE COMPOSTELA | 19/09/2019 | Actualizada ás 11:55
Long Hope, a asociación que agrupa a mariñeiros españois --na súa maioría galegos-- que traballaron en barcos noruegueses sen xerar dereito a pensión presentarán a finais deste mes ante o Tribunal Europeo de Dereitos Humanos unha demanda contra Noruega para reclamar o pago das súas prestacións.
Diso informou o portavoz da asociación, Alberto Paz, que destacou que o Goberno central se personará como parte interesada neste proceso ao que Long Hope recorre tras esgotar a vía interna xudicial en Noruega.
Previamente á presentación desta demanda, os mariñeiros de Long Hope manifestaranse este venres, día 20 de setembro, ante o Consulado de Noruega na Coruña. Ademais, os integrantes da asociación prevén entregar, tanto no consulado como na Delegación do Goberno en Galicia, máis de 300.00 firmas en apoio ás súas reivindicacións.
