Por E.P. | SANTIAGO DE COMPOSTELA | 19/10/2019 | Actualizada ás 20:35
Preto de 180 persoas déronse cita este sábado en Vigo para participar no acto de entrega do Premio Xerais 2019, que este ano conmemoraron o 40 aniversario da editorial e outorgou os galardóns a Amador Castro, Emma Pedreira e Rosa Aneiros.
O evento contou coa presenza do director da editorial, Fran Alonso, que abriu o acto a través dun percorrido polos 40 anos de historia de Xerais no que se tratou de "comparar o que era Galicia e o mundo do libro no ano 1979 (cando se creou a empresa) e o que é hoxe".
En concreto, Alonso fixo referencia á redución de exemplares impresos desde aquela época, así como diminución da lectura en papel, en xeral, pero sobre todo en galego.
Tras esta reflexión, ao estrado subiron o tres galardoados, aos que se lles fixeron entrevistas sobre as súas traxectorias como escritores e entregóuselles a figura que lles concedeu Xerais este 2019.
GALARDOADOS
Así, a XXXIV edición do Premio Merlín de Literatura Infantil recaeu en Rosa Aneiros (Meirás-Valdoviño, 1976) con 'Xelís, o guieiro das botellas de mar', que foi elixida os membros do xurado entre 28 obras que concorreron ao concurso, dotado con 10.000 euros de premio.
Ademais de colaborar habitualmente en distintos medios de comunicación pola súa formación de xornalista, Aneiros traballa no Consello da Cultura Galega e conta con diversas novelas publicadas, como 'Eu de maior quero ser' ou 'Ás de bolboreta'.
Rosa Aneiros agradeceu a Xerais o premio e explicou que na súa obra "denuncia a deterioración do planeta, en particular dos océanos pola contaminación dos plásticos", pero tamén se trata dun libro "de esperanza sobre o poder da amizade e da forza de nós".
PREMIO JULES VERNE
Pola súa banda, a filóloga, poeta e narradora, Emma Pedreira (A Coruña, 1978), recibiu o XI Premio Jules Verne de Literatura Xuvenil coa súa obra 'Os corpos invisibles', que foi elixida entre 20 textos e tamén estará galardoada con 10.000 euros.
"Gañar o Jules Verne é unha absoluta sorpresa. Téñolle moitísimo respecto á literatura escrita para ese que é o público máis esixente, natural e curioso, pero tamén o máis agradecido, o infanto-xuvenil. Tardei en chegar ata aquí e decidirme a escribir unha historia que me leva a dialogar coa xente máis nova", sinalou tras coñecer a noticia.
Emma Pedreira gañou o ano pasado o Premio Xerias de Novela con 'Besta do seu sangue' e, ademais desta obra, conta con multitude de libros, como 'As posturas do día' ou 'Bibliópatas e fobólogos', que conseguiu o Premio da Crítica de narrativa galega 2018.
PREMIO XERIAS DE NOVELA
Así mesmo, o xurado da XXXVI edición do Premio Xerais de Novela, dotado tamén con 10.000 euros e ao que concorreron 44 obras, outorgou a Amador Castro (Nandulfe-Chantada) devandito galardón polo seu título 'Xangai a Barcelona'.
Castro publicou dous libros: 'Memorias de antes do encoro' e 'Pillabán, pillabán'. El mesmo recoñeceu que "comezou tarde nisto da novela" pero non "na literatura".
"Un día atópaste con tres novelas no peto e andas dándolle voltas á seguinte. A que absorberá a túa mente durante uns meses", subliñou.
A festa de entrega dos galardóns terá lugar no mes de outubro coincidindo coa aparición dos libros editados das obras gañadoras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.