Inditex e IndustriALL Global Union acordan a creación dun comité sindical global

Estará composto por representantes sindicais dos principais clústeres de produción de Inditex así como por representantes dos sindicatos españois CC.OO. e UGT.

Por Europa Press / Redacción | MADRID | 13/11/2019 | Actualizada ás 18:57

Comparte esta noticia

O presidente de Inditex, Pablo Isla, e o secretario xeral da federación internacional de sindicatos IndustriAll Global Union, Valter Sanches, asinaron este mércores na sede da Organización Internacional do Traballo (OIT) en Xenebra (Suíza) a renovación do Acordo Marco Global que ambas as organizacións iniciaron en 2007, que contempla a creación dun comité sindical global.

Desta forma, Inditex convértese na primeira empresa de distribución de moda no mundo en contar con esta estrutura, segundo informou a compañía.

En concreto, ambas as organizacións acordaron a creación dun comité sindical global para compartir as mellores prácticas en materia de promoción dos dereitos á liberdade sindical e á negociación colectiva como base do fortalecemento das condicións laborais dos traballadores da industria da vestimenta, o téxtil e o calzado.

Dito comité estará composto por representantes sindicais dos principais clústeres de produción de Inditex así como por representantes dos sindicatos españois CC.OO. e UGT. Nel non estará a CIG.

Os seus nove membros estarán distribuídos do seguinte modo: un membro en representación da produción de África, un membro en representación da de América, catro membros en representación dos clústeres de Asia, dous membros en representación dos de Europa Occidental e un membro en representación de Europa Oriental.

Acordo entre as traballadoras de Bershka en Pontevedra e Inditex
Acordo entre as traballadoras de Bershka en Pontevedra e Inditex

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta