Por E.P. | SANTIAGO DE COMPOSTELA | 15/11/2019 | Actualizada ás 18:46
A Consellería do Mar ampliará o dique flotante do porto de Xufre, no municipio da Illa de Arousa para mellorar o abrigo dos pantaláns. Esta actuación, en trámites de licitación, contará cun investimento de máis de 300.000 euros.
O dique flotante conta actualmente con 240 metros e ampliarase en 60 ata alcanzar os 300 metros. Para iso colocaranse dous novos módulos de 20x5 metros tanto no cara sur como no norte.
Este venres, a conselleira do Mar, Rosa Quintana, visitou o peirao, onde supervisou a finalización das obras para as 128 novas prazas de amarre para embarcacións mexilloeiras.
A dotación de novas prazas de mexilloeiros complementa a realizada en 2017 para a creación de máis de 300 prazas de amarre para embarcacións pesqueiras, que contou cun investimento de máis de 700.000 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.