Emotivo homenaxe na Facultade de Comunicación ao xornalista falecido esta fin de semana

Pablo López Orosa, xornalista de 34 anos natural de Oza dos Ríos, finou o pasado venres.

Por Europa Press / Redacción | SANTIAGO DE COMPOSTELA | 18/11/2019 | Actualizada ás 14:37

Comparte esta noticia

Estudantes e profesores da Facultade de Ciencias da Comunicación da Universidade de Santiago de Compostela (USC) renderon homenaxe a Pablo López Orosa, xornalista de 34 anos natural de Oza dos Ríos falecido o pasado venres, cun minuto de silencio.

En concreto, foi a Asemblea Aberta desta facultade a que propuxo realizar o acto ao Decanato, quen finalmente o fixou para este luns ás 12,00 horas.

O minuto de silencio foi precedido por unhas palabras de Lois Alcayde, compañeiro de profesión do 'freelance' ao que coñeceu a través da Revista Luzes, coas que destacou que era un home que "reivindicou o dereito a ser xornalista en moitos lugares".

Pablo López Orosa, natural de Oza dos Ríos, formaba parte do comité de redacción da Revista Luzes. Traballou para Onda Cero e Axencia EFE, ademais de cubrir información internacional como 'freelance', colaborando para medios como El País. Foi tamén o fundador da revista Achtung! e o ano pasado publicou o libro 'Fálame do silencio' (Xerais).

Á parte dos estudantes e profesores da USC, numerosos xornalistas mostraron as súas condolencias a través das redes sociais. Desde a revista Luzes publicaron un texto no que o lembran como un profesional "xeneroso, comprometido e cheo de alegría".

Estudantes e profesores de xornalismo no minuto de silencio por Pablo López Orosa
Estudantes e profesores de xornalismo no minuto de silencio por Pablo López Orosa | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta