Feijóo defende que, tras encallar o 'Blue Star', "se fixo todo o que Salvamento cría que se debía facer"

O presidente galego, Alberto Núñez Feijóo, defendeu este xoves que a Xunta non fará valoracións sobre a actuación de Salvamento Marítimo en relación ao buque 'Blue Star', encallado na costa de Ares (A Coruña), ata que "saia desa zona".

"Non creo que sexa moi razoable empezar a dicir agora que se puido facer mellor ou peor; fíxose todo o que Salvamento cría que se debía facer", aseverou, preguntado acerca de se Galicia, en vista do ocorrido, debería ter as competencias de Salvamento Marítimo.

Así se pronunciou antes de remarcar que a Xunta "despregou os seus medios inmediatamente" e estivo, desde o primeiro momento, a disposición de Salvamento Marítimo e do Goberno.

"Veremos a ver se isto se pode sacar de aí, agora ten un peso inferior dado que se bombeou o fuel... Cando hai un problema, tentamos non crear outro diferente e seguro que a conselleira do Mar nos fará un informe detallado cando se peche o traslado do buque", resolveu.