Por E.P. | SANTIAGO DE COMPOSTELA | 08/12/2019 | Actualizada ás 18:39
Afundación proxectará este luns na Coruña o documental 'Mañana', como parte do Ciclo do Cinema dedicado á natureza que organiza a entidade durante o mes de decembro na cidade galega.
'Mañana' narra unha viaxe ao redor de dez países realizado polas directoras en 2015 para "investigar as causas" dos resultados dun estudo que "anunciaba a posible desaparición de parte da humanidade en 2100", segundo explicou a obra social de Abanca.
O documental, así como as outras catro proxeccións que conforman o cartel desta iniciativa, contan con "importantes galardóns internacionais" e poderanse ver de forma gratuíta ata completar aforamento.
Por outra banda, todas tratan o tema do medio ambiente desde "diferentes ópticas". "A relación do ser humano co medio, o carácter redentor do encontro coa natureza ou a importancia de incorporar a protección do medio ambiente ao noso modo de vida" son algunhas das temáticas destes filmes, segundo a entidade.
EXPOSICIÓN 'O NOSO PLANETA' INSPIRADA EN NETFLIX
O Ciclo do Cinema enmárcase dentro da exposición 'O noso planeta' baseada no documental do mesmo nome, producido pola plataforma Netflix.
O proxecto, aberto ao público ata o 8 de febreiro, ten como obxectivo "divulgar o principio de sustentabilidade" e mostrar o compromiso de Afundación co medio ambiente e os Obxectivos de Desenvolvemento Sustentable da ONU.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.