Os prezos galegos volven a terreo positivo en novembro
A estabilidade dos prezos dos carburantes explica esta situación.
Por E.P. | SANTIAGO DE COMPOSTELA | 13/12/2019 | Actualizada ás 10:29
O Índice de Prezos de Consumo (IPC) subiu un 0,3% en novembro en Galicia en relación co mes anterior, mentres volveu a terreo interanual positivo (+0,2%), segundo os datos que publica este venres o Instituto Nacional de Estadística (INE).
Os prezos galegos habían encandenado dous meses consecutivos con retrocesos interanuais: setembro (-0,2%) e outubro (-0,1%). Volve a cifras positivas e de media do que vai de ano, entre xaneiro e novembro, hai un avance do 0,9% en Galicia.
En España, o IPC subiu un 0,2% en novembro en relación ao mes anterior e elevou tres décimas a súa taxa interanual, ata o 0,4%, regresando así a niveis do pasado verán.
O INE atribuíu o repunte da taxa interanual do IPC de novembro á estabilidade dos prezos dos carburantes, fronte ao descenso que rexistraron en novembro de 2018; a que os prezos das froitas e dos paquetes turísticos baixaron menos que hai un ano, e ao encarecemento do peixe e o marisco.
