A Xunta urxe unha reunión co novo equipo de Ábalos para abordar a chegada do AVE a Galicia
A conselleira de Infraestruturas, Ethel Vázquez espera "ter unha reunión co seu equipo para tratar os asuntos que realmente son importantes para Galicia como a chegada da alta velocidade".
- Os hostaleiros do norte de España reclaman ao novo Goberno a chegada do AVE "no menor tempo posible"
Por E.P. | SANTIAGO DE COMPOSTELA | 13/01/2020 | Actualizada ás 14:05
A conselleira de Infraestruturas, Ethel Vázquez, apremou a celebrar unha reunión co novo equipo dos ministros de Transportes, Mobilidade e Axenda Urbana, José Luís Ábalos, para abordar a chegada do AVE a Galicia.
Ethel Vázquez explicou que "esta mesma mañá" trasladou a súa felicitación ao ministro polo seu nomeamento, mentres espera "ter unha reunión co seu equipo para tratar os asuntos que realmente son importantes para Galicia como a chegada da alta velocidade".
Tamén lembrou que Ábalos "veu en campaña electoral para dicir que o ano que vén" o AVE "estaría a chegar a Lugo", así como "a propia estación intermodal" na cidade amurallada. "Estamos a esperar que se produza esa reunión para falar dos asuntos importantes tamén para a provincia de Lugo", concluíu Vázquez tras presentar en Lugo o proxecto de desdobramento de corredor en autovía do tramo entre A Pobra de San Xiao e Sarria.
