Por Europa Press / Redacción | SANTIAGO DE COMPOSTELA | 27/01/2020 | Actualizada ás 19:50
CC.OO. lembrou este luns á Xunta que "a cultura é algo máis que o Xacobeo" e esixiu a reapertura do Museo Etnolóxico de Ribadavia, que se atopa "pechado por falta de persoal".
Para o sindicato, esta circunstancia é "un exemplo do abandono" dos centros públicos por parte da Consellería de Cultura.
CC.OO sinala que o peche do museo "debe ser reprobado" polo Concello, xa que se trata de defender "un servizo público que forma parte da cultura de base dos pobos".
A organización sindical lamentou que a Consellería "non poña en valor o enorme e valioso traballo que realiza" o Museo Etnolóxico de Ribadavia, tanto no que respecta ás súas obrigas como Administración que "garda e xestiona a nosa memoria colectiva", como polo seu carácter de institución "cunha sólida implantación e implicación" na vida desta localidade ourensá.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.