GC sortea botellas de Entropía Gin entre os seus lectores
Por Galicia Confidencial | Santiago | 24/10/2012 | Actualizada ás 17:58
GC quere premiar a fidelidade da súa audiencia, cada vez máis numerosa. Durante a campaña, máis de 6.000 usuarios conectáronse aos nosos servidores ao día. Na xornada despois do reconto foron 8.477 os galegos que decidiron informarse no GC.
Vantaxes dos gcpluseiros
Unhas cifras que non sería posibles sen os GCpluseiros, os usuarios que contribúen economicamente ao mantemento deste diario. Estes contribuidores teñen acceso exclusivo ao GC Plus, unha sección que se actualiza regularmente con reportaxes de investigación e contidos extras. O informe sobre os vínculos do fretador do Prestige coa mafia rusia e o trailer da primeira película de adultos en galego, O Divino Ferrete, son dos últimos contidos especiais para GCpluseiros.
Bases so sorteo
Agora, o equipo do GC premia tamén aos GCpluseiros co sorteo de dúas botellas dunha das mellores das xenebras galegas. Trátase de Entropía Gin, producida por Novalicor Auria, unha adega de Allariz que sabe sacar proveito da tradición licoreira ourensá e, asemade, engádelle innovación en forma de botánicos estimulantes.
O sorteo realizarase o próximo 25 de novembro entre todos os GCpluseiros, principal motor económico deste diario, activos nesa data. Os gañadores serán informados no correo electrónico que deron ao rexistrarse no GC.
Así que esta é a mellor oportunidade para botar unha man mantendo aberto o primeiro diario electrónico en galego e cuarto de Galicia e, de paso, ter opcións de levarse para casa un agasallo ideal para quentar as noites deste Nadal.
Anímense, fáganse gcpluseiros!
