O CSIC desenvolve tres plataformas para resolver os desafíos do despoboamento, sistemas agrarios e pesca sustentable

Os grupos de investigación están repartidos entre dous centros que son a Misión Biolóxica de Galicia, Instituto de Investigacións Mariñas.

Por Europa Press / Redacción | SANTIAGO DE COMPOSTELA | 25/03/2020 | Actualizada ás 20:12

Comparte esta noticia

O Consello Superior de Investigacións Científicas (CSIC) promove que os seus grupos de investigación poñan en marcha as denominadas Plataformas Temáticas Interdisciplinares, como un instrumento de xestión para resolver desafíos globais.

Na Comunidade, a Misión Biolóxica de Galicia (MBG) e o Instituto de Investigacións Mariñas (Vigo) lideran tres das 34 plataformas en toda España. En concreto, dedícanse á optimización de sistemas agrarios e forestais, as alternativas científicas interdisciplinares contra o despoboamento rural e a pesca sustentable

Na Misión Biolóxica de Galicia, o grupo de Xenética e Mellora de Millo lidera Agrofor, plataforma para mellorar a rendibilidade e resiliencia dos sistemas agrarios e forestais mediante un manexo eficiente da diversidade xenética vexetal.

Así mesmo, o grupo de viticultura Alcinde promove alternativas para a creación de microindustrias de alta rendibilidade en zonas despobladas. É un proxecto interdisciplinar que combina tecnoloxía punteira, patrimonio agrario, cultura, paisaxe e capital humano en zonas rurais.

Finalmente, en Vigo, o grupo Ecoloxía Pesqueira lidera Pescsost, plataforma para a xestión sustentable da actividade pesqueira mediante o desenvolvemento de ferramentas que combinan a xestión ecolóxica e económica.

Imaxe dun polbo en acuicultura. NOVA PESCANOVA
Imaxe dun polbo en acuicultura. NOVA PESCANOVA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta