Miguel Ángel Vázquez, xeriatra: "Deixaron a enfermidade contaxiosa dentro das residencias"

Galicia Confidencial fala con Miguel Ángel Vázquez logo do seu relevo como director da residencia integrada de Baños de Molgas. "Morren máis persoas nas residencias privadas porque son máis que as públicas", apunta ao salientar o seu papel ao fronte do centro ourensán.

Por Moncho Mariño | Santiago de Compostela | 22/04/2020 | Actualizada ás 22:20

Comparte esta noticia

A Xunta de Galicia relevou ao que ata agora era o director da residencia integrada Os Milagres , Miguel Ángel Vázquez, presidente da Sociedade Galega de Xerontoloxía e Xeriatría (SGXX) e esta semana foi relevado pola Xunta do seu cargo como director do centro habilitado despois de polo en marcha. De feito, esta residencia foi a primeira das integradas que empezou a funcionar en Galicia acollendo a usuarios afectados procedentes de residencias de maiores.

Miguel Ángel Vázquez, presidente da Sociedade Galega de Xerontoloxía e Xeriatría (SGXX)
Miguel Ángel Vázquez, presidente da Sociedade Galega de Xerontoloxía e Xeriatría (SGXX) | Fonte: Fundación Pilares

Vázquez explicou en declaracións a Galicia Confidencial o seu relevo. "Chegou un momento en que caímos na conta que o proceso estaba estabilizado", por tanto o que había que facer agora era traspasar a xestión a Sanidade" apunta. Sobre como se fixo o relevo, explicou que "o sábado (19 de abril) acordamos que a xestión debía quedar no SERGAS, fíxose o traspaso e hoxe fíxose o relevo, por tanto non hai cesamento ningún".

MORTANDADE EN RESIDENCIAS PRIVADAS

Este xeriatra destaca que a gran mortandade en residencias é porque "deixaron a enfermidade contaxiosa" dentro dos centros. E, sobre a mortandade de persoas maiores pola COVID-19 que é máis elevada nos centros privados, que nas residencias públicas, di que iso ten unha resposta estatística, e é que "hai máis residencias privadas que públicas". Logo está que o"nivel de visitas dunha residencia pública non é o mesmo que unha privada". As residencias públicas acollen persoas sen recursos, "non así as privadas que acollen a quen non ten praza pública polas súas condicións socioeconómicas".

Sobre os primeiros momentos en que a COVID-19 apareceu en residencias de maiores, Vázquez lembra que "non se facían probas, o que nós lles dixemos foi que se había un caso que o sacasen e fixesen test a todos os demais, que é o que se fai agora mesmo".

Aínda así, as dúbidas sobre por que non se actuou de maneira inmediata dentro das residencias de maiores, a resposta deste xerontólogo é que "non se sabía, non se podía, descoñezo os motivos reais".

A outra polémica que xurdira en Baños de Molgas foi o uso por parte do persoal de máscaras defectuosas. " Eu sóubeno tarde, porque como os EPI non os levamos nós, era o SERGAS". O sábado fixéronse probas ao equipo 1 e non houbo positivos, "no equipo 2 houbo un positivo, cando hai un positivo dicimos que fallou un e fallou todo o equipo".

RESPOSTA DE POLÍTICA SOCIAL

Segundo explicaron fontes de Política Social, Vázquez foi contratado "para pór en marcha" a residencia integrada dos Milagres, xa que se trata dunha persoa "con moita experiencia" no ámbito da gerontología e dirixiu outros centros para a terceira idade.

Así, unha vez finalizado o seu contrato "para este labor", a "estrutura" habilitada en Baños de Molgas "pasa a formar parte da Consellería de Sanidade e queda baixo a tutela única da dirección asistencial da área Sanitaria de Ourense", precisou o departamento que dirixe Fabiola García.

As mesmas fontes deixaron claro que "non foi cesado" e que el "seguirá colaborando coa Consellería de Política Social" para "repensar e reflexionar" sobre o futuro das residencias para a terceira idade.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

2 Pichel

Porque a Conselleria puxo o fronte a esta persoa habendo médicos xeriatras na administración autonómica ???

1 Gamela

seguramente porque coñece ben o sector privado (?) https://www.balancesociosanitario.c...

1 Gamela

Está claro que algo pasou para que este home abrira a boca ! Nun primer momento alguén decidiu montar lazaretos para que os positivos foran morrrendo tranquilamente (sen levalos aos Hospitais) Pero diso falarán nos xulgados os familiares das vítimas ! Se son quen de aguantar o tirón dos procedementos xudiciais ! (Repito, os partidos políticos onde andan ?)