Chocan dúas motos frontalmente no medio dun monte en pleno confinamento

Dous motoristas resultaron feridos de consideración ao chocar frontalmente as dúas motos que conducían ao seu paso por Rabal, no municipio de Celanova (Ourense).

Segundo informou o 112 Galicia, sobre as 20,00 horas deste xoves un particular avisou ao servizo de emerxencias dun accidente grave e indicou que dúas motos chocaran frontalmente no monte do pobo de San Pedro de Amedo e que os motoristas necesitaban asistencia inmediata.

Tras recibir o aviso, o 112 puxo os feitos en coñecemento de Urxencias Sanitarias de Galicia-061 que, tras valorar a situación, comunicaron a saída cara ao punto do helicóptero medicalizado con base en Ourense.

Ademais do persoal sanitario, tamén foron informados os Bombeiros de Celanova, os axentes de Tráfico, da Policía Local e os efectivos de Protección Civil da localidade, que confirmaron o traslado dos dous motoristas, un deles na aeronave.

Conduce un quad de forma temeraria durante o estado de alarma.. GARDA CIVIL