Por E.P. | Santiago de Compostela | 29/05/2020 | Actualizada ás 18:47
Galicia rexistra catro millóns de euros de déficit en marzo, segundo os datos actualizados este venres polo Ministerio de Facenda. Esta cifra supón 30 millóns de euros menos que os 34 millóns de déficit que tiña Galicia ao peche do primeiro trimestre de 2019.
Só cinco autonomías contabilizaron superávits en marzo: Asturias, Canarias, Navarra, Comunidade Valenciana e País Vasco.
Pola súa banda, o déficit do Estado ata marzo subiu un 2 por cento, ata 6.505 millóns, o 0,58 por cento do PIB, sete décimas máis que hai un ano, á vez que o das comunidades autónomas aumentou un 7,9 por cento, ata 1.703 millóns, o 0,15 por cento do PIB, dúas décimas máis
Facenda explica que as operacións do Estado desde o mes de marzo "desenvólvense dentro do contexto establecido pola declaración do estado de alarma" e reflicte xa "impactos significativos" ocasionados pola crise, unha situación que "se seguirá agudizando nos próximos meses".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.