A CGT reclama "melloras" a Renfe para "consolidar o tren como o medio de transporte de referencia" en Galicia

O sector ferroviario de CGT en Galicia informou de que remitiu un escrito á Presidencia e á Dirección Xeral de Renfe no que esixe "melloras" no ferrocarril galego que permitan "consolidar o tren como medio de transporte de referencia" na Comunidade.

"Consideramos que no actual escenario de alta ocupación dos trens de media e longa distancia é preciso consolidar o actual servizo ferroviario e mellorar na oferta de prazas", aseverou, antes de engadir que, para iso, é preciso incorporar "material ferroviario ao parque de vehículos" destinados á comunidade.

CGT tamén demanda incrementar o persoal de maquinistas, de atención ao viaxeiro e de mantemento de vehículos, así como o investimento en novas infraestruturas como un taller de mantemento de vehículos de longa distancia en Galicia.

Así mesmo, pon o foco en "grandes proxectos pendentes, como a implantación de proximidade no corredor Ferrol-A Coruña-Santiago, e Santiago-Pontevedra-Vigo, ou o saída sur de Vigo, que require de "importantes investimentos e tempo".

CGT, por último, incidiu en que aínda que Renfe puxo á venda os trens de longa distancia "con algunha modificación sobre os horarios polo recorte de tempos de viaxe e pendente de incorporar o horario da nova relación Vigo-Madrid", aínda están "bloqueada" a venda dos trens de media distancia a partir do 9 de xuño.

Manifestantes da CGT na protesta da folga xeral en Vigo | Fonte: Galizacontrainfo Flickr