A pasteira Ence presume de restaurar bosques en Galicia a pesar de ser a primeira industria consumidora de eucaliptos
A compañía prevé restaurar case 300 hectáreas en montes de Galicia e Huelva ao longo deste exercicio
Por Europa Press / Redacción | SANTIAGO DE COMPOSTELA | 30/09/2025 | Actualizada ás 18:00
Ence, a empresa especializada en usar eucaliptos para crear pasta de papel, anunciou que prevé restaurar "case 300 hectáreas en montes de Galicia e Huelva, favorecendo a recuperación de chans e a mellora de hábitats degradados".
En paralelo, indicou que está a levar a cabo a creación de ecotonos nos seus montes de patrimonio de Galicia, Asturias e Huelva. Estas son zonas de transición que melloran a conectividade ecolóxica e fomentan a diversidade de especies, reforzando así a resiliencia dos ecosistemas forestais.
A compañía, primeiro xestor forestal privado de España con case 70.000 hectáreas de patrimonio forestal, principalmente eucalipto para o seu uso fabril, reivindica que prentede "respectar os ciclos naturais, a rexeneración dos bosques e a conservación da biodiversidade, á vez que promove o uso responsable de recursos naturais".
