Un proxecto pioneiro da USC combaterá o cancro botando man da nanotecnoloxía

O proxecto "disruptivo" consiste nun vehículo nanométrico que transporta anticorpos por vía intravenosa.

Por Galicia Confidencial | SANTIAGO DE COMPOSTELA | 10/06/2020 | Actualizada ás 14:31

Comparte esta noticia

A pasada semana constituíuse como empresa Libera Bio, unha "spin-off" da Universidade de Santiago de Compostela dedicada ao desenvolvemento de novos medicamentos biolóxicos anticanceríxenos baseados en nanotecnoloxía. 

María José Alonso, Desirée Teijeiro e Olivier Jarry, cofundadores de Libera Bio.
María José Alonso, Desirée Teijeiro e Olivier Jarry, cofundadores de Libera Bio.

O obxectivo da compañía, xurdida no laboratorio de investigación da profesora María José Alonso, é botar man das oportunidades da nanotecnoloxía para loitar contra cancros "agresivos" alí onde a farmacoloxía non pode chegar.

Segundo explican dende a Universidade, este proxecto "disruptivo" válese dun vehículo "de tamaño nanométrico" que leva moléculas de anticorpo ata os tumores por vía intravenosa. O sistema está especialmente deseñado para abordar variantes desta enfermidade moi extendidas no mundo, como é o cancro de páncreas e o carcinoma de pulmón.

Nestes momentos a empresa está a optimizar o prototipo final, facendo probas de concepto e planificando os estudos que lles permitan avanzar da preclínica á clínica. Paralelamente, están a colaborar con empresas farmacéuticas interesadas na tecnoloxía para aplicala ás súas propias moléculas terapéuticas.  

A USC participa na iniciativa xunto con María José Alonso, unha das socias fundadoras, Olivier Jarry, asesor de negocio, e Desirée Teijeiro, responsable de valorización de I+D.

Investigador. Laboratorio. MINISTERIO DE CIENCIA - Arquivo
Investigador. Laboratorio. MINISTERIO DE CIENCIA - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta