Anuncian unha manifestación para denunciar as "graves deficiencias" da UCI do CHUS

Denuncian que a Unidade de Coidados Intensivos do Hospital de Santiago rexistra carencias importantes que se puxeron de manifesto durante a crise do coronavirus.

Por Galicia Confidencial | Santiago de Compostela | 13/06/2020 | Actualizada ás 21:35

Comparte esta noticia

O persoal da UCI do hospital clínico de Santiago anuncian a convocatoria dunha manifestación para o vindeiro luns día 15 de xuño. O motivo é a denuncia de deficiencias dentro da Unidade de Coidados Intensivos, e que se manifestaron de maneira máis patente durante a pandemia de COVID-19.

Cartel convocatoria manifestación UCI Santiago
Cartel convocatoria manifestación UCI Santiago | Fonte: Persoal CHUS

Entre outros punto, denuncian a falta de separación entre pacientes feita só con biombos ou cortinas, cousa que tamén inflúe sobre a privacidade e intimidade das persoas ingresadas. Ademais, reclaman a ampliación desta unidade ante a falta de espazo, en detrimento tanto da seguridade como da atención aos e ás ingresadas.

Durante o período de confinamento e a peor parte da pandemia por coronavirus, “mostramos todas estas deficiencias”, mesmo tendo que estar toda a quenda vestidos co EPI completo. Denuncian que isto creo cansanzo e malestar entre o persoal, cousa que tamén influiu nas persoas ingresadas.

Xunto a todo isto está falta de compensación para a rateo enfermeira-paciente. Durante o período máis forte do coronavirus, as persoas ingresadas compartían enfermeiras e enfermeiros, sen que “se tivese en conta a situación ou necesidade de coidados". Tamén isto prexudica na mobilización da persoa ingresada por non ter o persoal coñecementos da tipoloxía dos coidados específicos de cada persoa.

Actualmente a Dirección da Xerencia e os representantes do persoal están en negociacións para solucionar as peticións e deficiencias que denuncian da UCI. Non obstante, as propostas da dirección non son abondo convincentes porque non inclúen o benestar do paciente e non antepón os seus dereitos sobre todo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta