Por E.P. | Santiago de Compostela | 29/06/2020 | Actualizada ás 16:12
A xunta de goberno de Santiago tomou en coñecemento este luns unha sentenza do Tribunal Superior de Xustiza de Galicia (TSXG) que levanta preventivamente a suspensión que decretara no seu día o Concello sobre o paso de camións cara ao vertedoiro de Miramontes por exceder o límite de tonelaxe.
O alcalde, Xosé Sánchez Bugallo, explicou que a decisión xudicial prodúcese previo depósito da empresa dunha fianza de 50.000 euros. Aínda así, o rexedor anunciou que o goberno local recorrerá a decisión ante o Tribunal Supremo.
Noutra orde de asuntos, na xunta de goberno acordouse a solicitude á Xunta dunha subvención de máis de 3 millóns de euros para o cofinanciamento de servizos sociais comunitarios básicos, para un orzamento total dos mesmos que supera o catro millóns.
Estas cantidades destinaríanse a gastos de persoal, ao Servizo de Axuda no Fogar e a programas de intervención social pola Covid-19.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.