Telefónica tamén se mete no mundo da construción naval en Navantia

Telefónica chegou a un acordo con Navantia para a implantación dunha innovadora plataforma dixital coas últimas tecnoloxías no deseño, construción e apoio ao ciclo de vida dos buques da Armada, un proxecto valorado en 5,2 millóns de euros, ampliables a 14 millóns de euros.

Nun comunicado, Telefónica explica que este proxecto, co que contribúe no plan de transformación dixital de Navantia, implica o uso de tecnoloxías como virtualización de servidores e aplicacións, recuperación da información ante desastres e a certificación da plataforma ante organismos oficiais.

Deste xeito, Navantia poderá dispor de todas as ferramentas de dixitalización no proceso de vida dos buques, desde o seu deseño cun software avanzado , pasando pola construción ata completar o apoio ao ciclo de vida coa creación dun xemelgo dixital.

Telefónica adxudícase un proxecto de Navantia para a implantación dunha innovadora plataforma dixital coas últimas tecnoloxías no deseño, construción e apoio ao ciclo de vida dos buques da Armada. TELEFÓNICA | Fonte: Europa Press