Galicia rexistra 218 casos activos en Galicia cunha alza de 4 postivos na Coruña

Os casos activos por coronavirus en Galicia descenderon en seis en relación á pasada xornada --ao pasar de 224 a 218--. Así mesmo, baixan na área de Lugo, aínda que esta, onde se rexistrou un brote significativo na Mariña, acumula un total de 148 deses casos; a maior subida (catro casos) experiméntase na área da Coruña, que tamén notificou un brote en Betanzos nos últimos días.

En concreto, segundo a última actualización de Sanidade, dos 218 casos positivos, 148 corresponden á área de Lugo --12 menos que no parte do venres--; 31 á da Coruña e Cee --catro máis--; sete á de Santiago e Barbanza --sen cambios--; 17 á de Vigo --tamén sen cambios--; cinco á de Ourense --sobe nun--; un á de Ferrol --igual-- e nove á de Pontevedra --sobe nun--.

Do total de pacientes positivos, mantéñense en seis os que permanecen en unidades de hospitalización convencional --cinco deles, no Hospital da Mariña-- e un na UCI --en Vigo--, mentres que os 211 restantes atópanse en seguimento domiciliario.

Dentro do total de casos rexistrados en Galicia hai un vinculado con residencias de maiores, segundo concreta Sanidade, que corresponde a un traballador dun centro de Burela (Lugo), mentres os xeriátricos seguen sen usuarios infectados.

11.054 CURADOS

Sanidade apunta que, ata a data, curáronse en Galicia 11.054 persoas, 20 máis que a xornada anterior, e faleceron 619 pacientes con COVID. A última vítima foi notificada o 10 de xuño, que se corresponde cun home de 83 anos que estaba ingresado no Complexo Hospitalario Universitario de Vigo. Do total, 274 estaban vinculadas con residencias.

O número de PCR realizadas ata a data na Comunidade galega ascende a 231.082.

Probas de COVID-19 desde o coche nas inmediacións de Burela. Carlos Castro - Europa Press