Por Galicia Confidencial | SANTIAGO DE COMPOSTELA | 29/07/2020 | Actualizada ás 22:15
10 anos pasaron dende o simbólico xesto de Agustín Fernández Paz para denunciar a política lingüística de Núñez Feijóo, que por aquel entón aínda estreaba a súa primeira maioría absoluta postbipartito. O galardón en cuestión era un dos Premios da Cultura Galega, que a Xunta ofrecía para valorar a "excelencia" en múltiples campos das artes, dende á pintura ó audiovisual, pasando, evidentemente, pola literatura.
O afamado autor de literatura xuvenil declinou entón recibir o premio outorgado pola Xunta aludindo a que este estaba "hipotecado" pola "agresión á mesma cultura que finxe reinvidicar". O xesto do escritor, falecido en 2016 aos 69 anos, foi recuperado nos últimos días por varios usuarios de Twitter que compartiron a publicación da editorial Hugin e Munin.
Pasou unha década dende o rexeitamento de Agustín Fernández Paz a este premio “hipotecado pola agresión á mesma cultura que finxe reivindicar”. En 2015 rexeitaríao tamén a @CGENDL. Estamos en 2020 e os problemas persisten. Rectificade dunha vez. - sectarismo e + consenso. https://t.co/pEd6plryeM
— Hugin e Munin (@Huginemunin) July 27, 2020
O rexeitamento de Agustín Fernández Paz coincidiu coa publicación dun manifesto asinado por intelectuais e representantes do mundo da cultura galega que, baixo o título "Rosalía nunca aceptaría ese premio" convidavan ós galardonados a declinar o recoñecemento en protesta pola política lingüística de Feijóo á fronte da Xunta. Agustín Fernández Paz estaba entre os firmantes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.