Feijóo a pais e docentes: "pídolles realismo porque a educación é un dereito constitucional que hai que protexer"

"Nós imos cumprir coa lei e por iso pídolles compromiso e realismo a todos os operadores educativos porque hai un dereito constitucional á eduación que temos que protexer". Deste xeito respondeu o presidente da Xunta en funcións, Alberto Núñez Feijóo, á comunidade educativa e docente, asociacións de pais e nais e ata os concellos que piden a retirada do protocolo educativo contra a covid para o vindeiro curso.

Na rolda de prensa posterior ao Consello da Xunta, Feijóo lembro que só hai problemas con este protocolo e non cos que a Xunta fixo para os campamentos de verán, residencias ou garderías. "E todos están supervisados polas máximas atoridades sanitarias da Xunta", suliñou. Por iso, insistiu en defender o protocolo educativo porque tamén está "avalado" polo seu comité de expertos e "pola lei".

Neste sentido, lembrou que este protocolo está supervisado pola asesoría xurídica da Xunta, polo comité clínico de saúde do Sergas, e está "amparado", dixo, "pola Lei xeral de Sanidade e unha lei orgánica que permiten que sexan as autoridades sanitarias as que toman medidas oportunas cando hai situacións sanitarias complexas como é este caso", indicou.

Así, repetiu en varias ocasións, que a pesar das numerosas protestas, o seu protocolo é "minucioso" e está "supervisado polas autoridades sanitrias". "Que é incómodo, que hai que facer máis esforzos e tomar máis precaucións?, si, claro, pero serán menos que os que os nenos teñan nos recreos", engadiu.