Por Europa Press / Redacción | SANTIAGO DE COMPOSTELA | 01/08/2020 | Actualizada ás 13:49
Un total de 2.846 fogares galegos con dificultades económicas accederon no último mes ao cartón básico para a compra de alimentos, produtos de hixiene e de farmacia, dotada con entre 150 e 300 euros ao mes, posta en marcha en colaboración entre a Xunta e Cruz Vermella.
A Consellería de Política Social indicou este sábado nun comunicado que, cumprido o primeiro mes da súa implantación, a Xunta concedeu axudas para o próximos tres meses por valor de case dous millóns de euros.
De inicio, o cartón actívase por tres meses (o que supón que as axudas van de 450 a 900 euros inicialmente) e recárgase mes a mes de forma automática, explicou o Goberno galego, que detallou que a contía depende do número de membros do núcleo familiar e que, ata agora, o 40 por cento dos cartóns son para familias de tres ou máis persoas, con 300 euros mensuais.
Os cartóns pódense pedir nas sedes comarcais da Cruz Vermella ou a través dos servizos sociais dos concellos. O tempo medio de espera para recibila é de tres días, indicou a Xunta, que destacou que, co fin de evitar estigmas, as persoas con baixos ingresos pódense beneficiar desta axuda de forma anónima.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.