Por Europa Press / Redacción | OURENSE | 01/08/2020 | Actualizada ás 16:51
A Consellería de Medio Rural dá por controlado ás 15,37 horas deste sábado, tras tres días, o lume iniciado no municipio ourensán de Cualedro e que queimou, segundo as estimacións provisionais, 1.535 hectáreas de terreo, o que o converte no máis grande de Galicia desde a vaga de incendios de 2017.
Os efectivos de emerxencias lograron estabilizar a última hora deste venres o incendio forestal iniciado ao mediodía do mércorequedou controlado este mediodías na parroquia de San Millao do municipio ourensán de Cualedro que, finalmente, quedou controlado este mediodía.
Este lume, no que chegou a ser necesaria a activación da Situación 2 pola súa proximidade ao núcleo de poboación de San Cristovo, en Monterrei, queimou unhas 1.535 hectáreas de terreo, 525 delas agrícolas e 1.010 forestais, segundo os datos provisionais.
Para o seu control mobilizáronse dous técnicos, 43 axentes, 106 brigadas, 45 motobombas, seis pas, 13 helicópteros e 13 avións, así como membros da Unidade Militar de Emerxencias (UME).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.