A seca prolongada provoca que a reserva hidráulica en Galicia sexa a máis baixa das concas do norte peninsular
Baixa máis dun punto na última semana en Galicia e queda no 70,7%.
Por Europa Press / Redacción | SANTIAGO DE COMPOSTELA | 11/08/2020 | Actualizada ás 13:55
A reserva hidráulica sitúase no 70,7% en Galicia, tras baixar máis dun punto na última semana, segundo os datos publicados este martes polo Ministerio para a Transición Ecolóxica.
Na conca de Miño-Sil hai 2.186 hectómetros cúbicos, cunha reserva ao 72,1% --un punto menos que fai sete días--. Esta cifra está por encima tanto do dato do ano pasado como da media da última década.
Pola súa banda, na conca Galicia Costa, con menos capacidade que a de Miño-Sil, hai 443 hectómetros cúbicos. Está ao 64,8%, neste caso atópase case tres puntos por baixo que a semana anterior. Así mesmo, conta cunha reserva inferior á do ano anterior e á media da última década.
O Ministerio para a Transición Ecolóxica sinala que as precipitacións "foron moi escasas na vertente atlántica" no últimos sete días, o que se suma a un verán sen case choivas en Galicia.
