Por E.P. | Santiago de Compostela | 12/08/2020 | Actualizada ás 11:12
O número de novas sociedades mercantís descendeu un 17,1% en xuño en Galicia respecto ao mesmo mes de 2019, ata alcanzar as 237 empresas, se ben aumentou un 65,73% en relación con maio, segundo os datos que publica este mércores o Instituto Nacional de Estatística (INE).
Tamén descenderon as disolucións de empresas durante o sexto mes do ano, marcado pola crise sanitaria do Covid-19, situáronse en 50, un 26,5% menos que en igual período do exercicio anterior. Foron 41 voluntarias, unha fusión e oito disolucións doutro tipo.
As 237 sociedades mercantís constituídas na comunidade galega supuxeron a subscrición de 11,98 millóns de euros e o desembolso dunha cantidade algo inferior (case 11,94 millóns). Todas menos unha das novas empresas conformáronse baixo a modalidade da sociedade limitada (236, por 11,92 millóns de euros subscritos). A outra constituíuse como sociedade anónima, por 60.000 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.