Xa son 17 os positivos do brote detectado nun campamento de Cerdido

O brote relacionado cun campamento de Cerdido, na área Sanitaria de Ferrol, aumenta de 16 a 17 casos positivos, tras sumar un máis con respecto á xornada pasada.

Así o confirmaron fontes da área sanitaria, que puntualizaron que o brote aumenta a 17 casos despois de detectarse "un contacto positivo máis".

Deste xeito, tres dos positivos neste brote son monitores, dous menores e 12 contactos dos anteriores, puntualizaron por parte da área sanitaria ferrolá.

Este trátase dun brote identificado na área Sanitaria de Ferrol no 'Campamento de Verán 2020' que organiza a Sociedade Cultural Airiños dos Carrís e o AMPA do colexio Os Carrís.

test covid