Refúxianse nunha batea coa que chocaron despois de perder a vela do seu barco en Boiro
Unha das persoas rescatadas recibiu asistencia sanitaria.
Por Europa Press / Redacción | SANTIAGO DE COMPOSTELA | 20/07/2025 | Actualizada ás 13:53
Dúas persoas foron rescatadas este sábado tras naufragar co seu veleiro e chocar contra unha batea preto de Cabo de Cruz, na localidade coruñesa de Boiro, batea na que se refuxiaron ata que se produciu o rescate. Segundo informa o 112 Galicia, foi unha destas persoas quen contactou en varias ocasións coa Central de Emerxencias "bastante nerviosa" para avisar do ocorrido.
En concreto, ao redor das 18.10 horas a vela do seu veleiro rompeu e a embarcación chocou contra unha batea, o que derivou en que se abrise unha vía de auga. Deste xeito, avisouse a Salvamento Marítimo, Gardacostas, Garda Civil e Policía Local. Tras remolcar o veleiro ata o peirao de Vilanova de Arousa, unha das persoas rescatadas recibiu asistencia sanitaria.
