Por E.P. | SANTIAGO DE COMPOSTELA | 26/08/2020 | Actualizada ás 17:16
O PP de Ourense, que preside o tamén máximo responsable da Deputación provincial, Manuel Baltar, vén de anunciar que 'fichará' para o seu partido ao alcalde de San Xoán de Río, Xosé Miguel Pérez Blecua, ex do BNG. Pérez Blecua, de 35 anos e enxeñeiro de telecomunicacións, era ata este momento rexedor independente por RIO desta localidade ourensá.
"Forza e compromiso. Identidade", destaca Manuel Baltar a través dun comentario na súa conta de Twitter, tras darlle a benvida ao PP ourensán. O 'tuit' acompáñao cunha foto con Pérez Blecua en Mouruás, unha parroquia de San Xoán de Río, na que ambos se saúdan co cóbado, e o hashtag #PaixónPorOUrense. Ademais, cita a @fempcomunica, @fundlocal, @ehttaThermal e @Partenalia.
MOCIÓNS DE CENSURA
Este movemento prodúcese despois da moción de censura de Castrelo de Miño e antes da que se debaterá o próximo día 1 en Viana do Bolo. En Castrelo de Miño, o pasado día 11, o popular Avelino Pazos asumiu a Alcaldía ao saír adiante a moción de censura contra o nacionalista Esteban Suárez grazas aos votos do tres edís do PP e os dous exconcejales do PSOE, Jaime Fontanes e Francisco Pérez.
TELETRABALLO
Na mesma xornada, e tamén vía twitter, o Baltar anunciou que decidiu optar polo "teletraballo" nos próximos días tras o positivo os seus pais en coronavirus e a pesar de dar "negativo" en dúas probas. Así o sinalou nunha mensaxe na que explica que no "único momento" no que coincidiu cos seus proxenitores no último mes gardaron "todas as recomendacións" de forma que estiveron "menos de 15 minutos", "con distancia social" e "máscara".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.