Temas: DRAGON BALL TVG INFANCIA GATO CONSUMO CRTVG TV ABELLA

Nace unha plataforma para pedir á TVG que volva emitir debuxos animados en galego

"Quero que a miña filla teña un recordo da infancia en lingua galega", explica o promotor.

Por Galicia Confidencial | SANTIAGO DE COMPOSTELA | 10/09/2020 | Actualizada ás 22:15

Gatocán, Doraemon o Gato Cósmico, a abella Maia ou o inolvidable Dragon Ball Z. Foron moitos os debuxos animados que pasaron polo Xabarín nos seus anos de gloria, e moitos os rapaces dunha xeración que medraron escoitando a heroes e villanos falar en galego. O xabarín foi unha oportunidade para a normalización lingüística que hoxe un tuiteiro anónimo se implica en recuperar para a CRTVG.

"Quero que a miña filla teña un recordo da infancia en galego", destaca nun chío que resume o sentido xeral da conta, iniciada a comezos deste mes de setembro.

Gatocan! Outro éxito na @TVGalicia de hai un tempiño xa. Eu quero que a miña filla teña un recordo de infancia en galego. Ten a habitación chea de @KalandrakaEdit e outros, mais a medida que medra quere 5 minutos de sofá e non ten boa oferta en galego na TV https://t.co/wDny3EBppm
— Por un contido infantil e xuvenil na TVG (@tvg_infantil_xa) September 8, 2020

Porén, e máis alá do simple entretemento, o autor da iniciativa reflexiona sobre o papel do Xabarín á hora de transmitir ó galego ás novas xeracións.

Houbo un tempo nos que os nenos ían correndo á tele a poñer a @TVGalicia para poñer @Xabarin_club. Moitos falaban castelán, poucos tiñan o 50% legal das materias en galego, mais ningún medrou sen coñecer a lingua propia. Hoxe o bo manexo do galego é un obxectivo lonxano
— Por un contido infantil e xuvenil na TVG (@tvg_infantil_xa) September 3, 2020

Neste aspecto, critica que a programación actual da TVG non dea pé ó consumo de adolescentes e rapaces en galego.

Domingo 11:00. Os pais arranxando a casa. Os nenos piden un chisco de TV. Alternativas? Na @TVGalicia programa repetido e traineras, así que toca Nickelodeon en castelán. O peor é que un dos nenos mentres polo a tele di: @Xabarin_club non papá...
— Por un contido infantil e xuvenil na TVG (@tvg_infantil_xa) September 6, 2020

Ante esta circunstancia, insta á CRTVG a reformular a súa grella de programas pensando nos máis pequenos... e na lingua.

É unha marabilla seguir gozando de Érase unha vez o home na @TVGalicia, mais o certo é que os rapaces buscan contidos máis modernos. Cómpre invertir non só en reposicións (Son Goku) e produción propia (OCO e Kalandraka), tamén hai que retornar a traducir contido de fóra moderno
— Por un contido infantil e xuvenil na TVG (@tvg_infantil_xa) September 3, 2020

Temas: DRAGON BALL TVG INFANCIA GATO CONSUMO CRTVG TV ABELLA

6 Carla

Creo que está ben .

5 Pierre

Iso é, que volvan emitir as series machistas e heterocentristas de hai 20 anos.

1 Ailalelo

Hai que emitir as dagora, abrazafarolas, cpntra os galego xa non sabedes que facer ou dicir, penosos

4 Informando

Unha cousiña para os que non saiban. O xabarín segue a emitirse de luns a domingo na G2, eu poño ó meu sobriño a velo casa que estou con el na casa. Un saudiño 😊

1 Mariñeira

Claro, pero son os mesmos contidos de hai 25 anos. Entón a nos fainos gracia (e ata ilusión) volver a velos, pero os cativos procuran outras cousas mais de hoxe. E diso, en galego, pouco hai

2 Mon

Si que o poñen pero, os domingos á mañá x exemplo, están con traineras. O Xabarin remata moi cedo. Xa que o pasaron a TVG2, podía durar un poco máis de tempo.

3 Xico Sieiro

Non hai nada que facer. Primeiro, porque o PPdeG, se poidese, xa tería metido o castelán na TVG desde hai tempo, sobre todo para produción allea, porque para eles o galego é, máis que nada, un problema. Sei de primeira man que as súas previsións de caída de galegofalantes fagan inviable unha Tv pública só para o idioma minoritario. Así que foxen como do demo de calquera traza de crecimento ou conservación do galego. E segundo, porque os galegos acaban de darlle a razón ao PP nas eleccións, aupándoos a unha maioría absoluta abraiante e contundente. Nada que dicir. Nada que obxectar. A chorar a Cangas.

2 Rosma

A CRTVG é un medio de aculturación ó servizo do PP. Pasan de nós e dos nosos fillos e só están interesados en xacobeos, paparotadas de bandullo e reguetón/copla española. Téñoa no último botón do mando. Que a pechen xa!

1 MANOEL90

Xa saiu a política, que mala baba tes. Pois eu vexo a galega , non é a mellor de mundo pero a lo menos é a nosa e fala no noso idioma. No teu primeiro botón seguro que tes a sexta e no segundo telecinco.