A incididencia da Covid en Galicia continúa en descenso
Detectados outros 163 positivos tras unha nova xornada na que son máis as altas, 205.
Por Europa Press / Redacción | SANTIAGO DE COMPOSTELA | 30/09/2020 | Actualizada ás 13:06
Galicia detectou outros 163 positivos por Covid-19 tras rexistrar 205 novas altas de pacientes, o que sitúa os casos activos en 4.251, polo que volven descender en 46.
Segundo os datos actualizados este mércores pola Consellería de Sanidade, os casos activos volveron a descender en todas as áreas sanitarias salvo na de Ourense, onde experimentaron un incremento de 9 ata os 765.
Pola súa banda, na área sanitaria da Coruña descenderon en dúas con respecto ao martes ata situarse nos 975; na de Lugo caeron ata os 537 --dous menos--; na de Pontevedra, a 786 --sete menos--; na de Santiago a 537 --35 menos--; na de Vigo a 503 --sete menos--; e na de Ferrol baixaron a 148 --dúas menos--.
No referido a pacientes curados na Comunidade galega aumentaron a 18.949, o que supón 205 máis que os rexistrados na xornada do martes. Ata a data en Galicia, ademais, faleceron 740 persoas con Covid-19, o últimas catro vítimas foron notificadas na tarde do martes.
CASOS RESIDENCIAS
Os usuarios de residencias con Covid-19 descenderon a 314 este mércores tras detectarse catro novos positivos e negativizar 11 pacientes con respecto aos rexistros deste martes, deles nove usuarios da residencia do Incio.
Segundo os datos actualizados este mércores a Consellería de Política Social, detectáronse un positivo na residencia de maiores Torrente Ballester da Coruña; dous na Ballesol de Oleiros; e outro na Nosa Señora do Viso en Lobeira (Ourense).
Por contra, deron negativo nove usuarios da residencia do Incio, que concentra 48 casos de Covid-19; así como dous da Ballesol de Oleiros --agora con 32--.
