Por Europa Press / Redacción | SANTIAGO DE COMPOSTELA | 30/09/2020 | Actualizada ás 15:10
O vicepresidente primeiro da Xunta, Alfonso Rueda, considerou positivo que o Goberno expuxese a implantación de criterios homoxéneos en todo o territorio nacional para impor medidas de prevención da covid-19 en cidades de máis de 100.000 habitantes, aínda que asegurou que "os parámetros que se están dando" son "para situacións moito máis graves das que, afortunadamente, están a darse a día de hoxe en Galicia".
A preguntas dos xornalistas durante unha rolda de prensa, aínda que sen entrar en profundidade na proposta, Rueda dixo que é "bo que existan acordos" entre as administracións, dado que, igual que afeou o presidente da Xunta, as "discusións" neste ámbito "en nada son boas para a tranquilidade xeral e para a imaxe de coordinación que é necesaria entre administracións".
"Nós sempre reclamamos coordinación e que houbese certos criterios xerais", dixo o vicepresidente, que viu necesaria "máis implicación do Goberno de España", xa que "isto non é unha guerra das comunidades pola súa conta". "Se este é o espírito, benvido sexa", resolveu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.