Aprazada a marcha cívica para reclamar a Casa Cornide polas restricións impostas á mobilidade

A Comisión Aberta en Defensa do Común aprazou a marcha cívica prevista para este sábado para reclamar a recuperación da Casa Cornide, actualmente propiedade da familia Franco.

Esta segunda marcha estaba convocada, como a celebrada anteriormente, como un "acto reivindicativo e festivo", con saída ás 12,30 horas, desde a praza de María Pita.

Con todo, debido ás novas circunstancias sanitarias derivadas das restricións na mobilidade, os convocantes confirmaron que se pospón ata a próxima fin de semana dada a presenza de participantes procedentes de diferentes lugares da comarca coruñesa.

Protesta de activistas ante a Casa Cornide.