Por Europa Press / Redacción | SANTIAGO DE COMPOSTELA | 02/11/2020 | Actualizada ás 18:10
O BNG presentou unha batería de iniciativas no Parlamento autonómico na que demanda un convenio colectivo para os investigadores das fundacións biomédicas galegas antes de que acabe este ano.
A deputada Montse Prado pide o reinicio inmediato da negociación para dotar ao colectivo de investigación sanitaria de estabilidade e condicións laborais dignas.
No novo convenio "deben contemplarse categorías profesionais ben establecidas, carreira investigadora, condicións laborais dignas, estabilidade e condicións retributiva que partan do mínimo da proposta realizada polos comités".
Actualmente, uns 500 traballadores "a día de hoxe non teñen unha norma propia que regule nin as súas condicións laborais nin as súas obrigacións profesionais".
O Bloque alerta de que o nivel de precariedade que sofre o colectivo provoca que haxa investigadores que "levan traballando máis de 20 anos con contratos temporais". Mentres, os comités de empresa "están a esperar desde xuño a que se convoque a mesa de negociación".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.