O mal inglés de Núñez Feijóo

O presidente da Xunta enrédase ao pronunciar o nome de The Chieftains, que recibirán unha Medalla Castelao canda Carlos Núñez. Audio no interior.

Por Walter Burns | Santiago | 31/05/2013 | Actualizada ás 00:13

A entrevista na que o daquela conselleiro de Cultura presentaba a programación do Xacobeo 2004 é parte xa do imaxinario colectivo de Galicia. Dez anos despois o presidente da Xunta demostrou que o nivel de inglés dos máximos mandatarios galegos debe mellorar.

Se en 2003 Jesús Pérez Varela enleábase cos nomes de David Bowie, Primal Scream ou Bob Dylan; en 2013 Alberto Núñez Feijóo enredouse con outros artistas foráneos, The Chieftains. O grupo folk irlandés recibirá unha Medalla Castelao -o máximo galardón de Galicia- canda o seu protexido, o gaiteiro Carlos Núñez.

Por dúas veces intentou o mandatario conservador pronunciar o nome da banda irlandesa, e por dúas veces a pronuncia foi incompresíbel:

Ao chegar o poder Alberto Núñez Feijóo encirrou a polémica lingüística ao reducir as clases de galego para darlle máis peso ao castelán ao ingles. Polo amosado na rolda de prensa do Consello da Xunta do xoves, o mandatario necesita leccións no idioma estranxeiro urxentemente.

Iso si, vistas as pausas que toma antes de lanzarse a pronunciar The Chieftains, o actual presidente da está a anos luz da confianza en si mesmo amosada por Pérez Varela, todo un clásico:

7 Coiro

que llela dean a Carlos Nuñez e que na teñan Mercedes Peón, Budiño,Anxo Pintos, Xabier Díaz ou Guadi Galego, por exemplo, xa fala da representatividade destas medallas de "tanto" prestixio, pero que premien aos Chieftains sona a chisteins. Será pola teima que ten Feijoo co inglés? vaia papelón! hahaha. Mais indo ao celme, mirá que non haberá xente aquí que adique a súa vida a mantela tradición; Xacarandaina, Escola de gaitas de Ortigueira, etc, ou grupos de renome e recoñecido prestixio no mundo celta; Berroguetto, Luar na lubre... por non falar deses gaiteiros que levan toda a vida coma Manuel Viqueira, o gaiteiro de Ordes, que segue a tocar pechado, ou Freixo das Pontes que non ve dun ollo pero toca coa mesma ilusión aos seus...90? anos, e tantos coma eles!. Que se pode agardar dunhas medallas que premian, que galeguidade? a de Michel Salgado e Luz Casal? que pequeniño facemos todo(ou fanos, mais o resultado é o mesmo), que pouca entidade temos como pobo. Mágoa.

6 Ano Mariano

Incríbel, incríbel. Desde que son neno ouvín a palabra Chieftains milleiros de veces cando en Vigo gozaba dos festivais intercélticos. A animalada de Habichuela é grandiosa pero case peor é presentar a Carlos Núñez como promotor da música celta polo mundo e non da música galega. Feixoo é un ignorante absoluto. Téñenme contado algunhas anécdotas deste fulano incríbeis pero con estes dous disparates xa fica retratrado.

5 Hermerico

Como Zapatero, que ia a Europa (desde espanha, que nom o é ), e nom podia falar com ninguém porque como bom nacionalista espanhol só sabe falar espanhol.

4 Costadamorte

Ao escoitalo no radio, (na SER, dubido que na RG o poñan), non puden deixar de pensar en Pérez Varela e Carmiña Burana... Por certo, ao final..., Carmiña Burana cantaba ópera ou "canción regional"?... Daquela non me quedara moi claro... Agora entendo a teima que ten este homiño contra Beiras polo do piano e por estudar na Sorbona e pronunciar tan fachendosamente en francés no Parlamento... É complexo de inferioridade cultural, o Feijoo..., un rapaz de aldea..., coma quen di..., un ninguén!..., (Balbino había que chamalo)... E pensar que nos estertores do fraguismo tiñan a Feijoo coma a esperanza branca do birrete!..., e rematou por resultar boina!..., (pero boina, boina!)..., entre isto e as suas amizades co Dorado...

1 galegoexiliado

A Carmiña Burana era pintora, a que cantaba ópera era a Sara Mago.

3 Koro

Mais uma vítima do monolinguismo espanhol e da "educação" franquista...

1 Koro

Enquanto os galleguiños enviavam os filhos a se desgaleguizar a Leão ou Madrid, a burguesia franquista enviava-os a Cambridge e aos EUA para aprender a língua que importa: http://www.youtube.com/watch?v=tH52...