Outro novo temporal costeiro deixa ventos de case 120km en Lugo

A Dirección Xeral de Emerxencias e Interior activou á primeira hora da mañá deste venres a alerta laranxa por fortes choivas no interior da provincia de Pontevedra, onde se esperan precipitacións acumuladas de 80 milímetros en 12 horas.

Os ventos pasaron os 100 quilómetros por hora no litoral Lugo, que permanece en aviso amarelo desde primeira hora deste venres por un temporal costeiro que tamén afecta á provincia da Coruña, onde se esperan fortes ondadas pola tarde.

Así, os medidores de Meteogalicia captaron un refacho de vento de 116 quilómetros por hora en Penedo do Galo, en Viveiro, mentres que en Cedeira --Punta Candieira-- rozáronse os 100 quilómetros hora minutos antes das 07,50 horas.

Con todo, o refacho máis forte da mañá foi rexistrada ás 08,50 horas no Xistral --Muras (Lugo)--, onde se alcanzaron os 119,1 quilómetros por hora.

Así as cousas, a Mariña luguesa, así como a montaña de Lugo e Ourense, continuará todo o venres en aviso amarelo por fortes ventos con refachos de máis de 80 quilómetros horas. Na costa luguesa, ademais, soprarán ventos de forza sete a partir do mediodía.

Esta situación engádese á alerta laranxa por un temporal costeiro que alcanzará, a partir de última hora da tarde, aos litorais das provincias da Coruña e Lugo. O fenómeno meteorolóxico dará comezo pola tarde no noroeste e oeste da provincia coruñesa e na Mariña lucense, por mar combinado do noroeste con ondas de entre 5 e 7 metros.