Xoán Manuel Pintos, o xuíz represaliado que escribiu o primeiro libro en galego da modernidade

Foi por un 16 de decembro de 1811 que nacía no concello de Pontevedra Xoán Manuel Pintos, unha das figuras máis lembradas da lingua e cultura galegas. Aínda que xeralmente atribúeselle a Francisco Añón o posto de primeiro precursor do Rexurdimento, en realidade foi Pintos o primeiro literato galego que se lanzou á difícil empresa de sacar un libro en lingua galega. Foi o caso de A Gaita Gallega, que, publicada en 1853, se converteu así na primeira obra publicada en galego --tratábase, en realidade, dunha obra trilingüe. O primeiro libro moderno escrito integramente en galego non foi outro que os Cantares de Rosalía--.

A efeméride de Pintos, en calquera caso, non pasou desapercibida para os tuiteiros galegos.

#TalDíaComaHoxe de 1811 nacía en Pontevedra Xosé Manuel Pintos, autor principal da Xeración dos Precursores. Defensor da lingua e da cultura do país, así como dunha economía e institucións propias.
A súa obra A Gaita Gallega supón a primeira obra escrita en galego do século XIX. pic.twitter.com/HlQjoHsCug

— Galiza Sempre (@galizasempre) December 16, 2020